Question

طريقة عمل القوزي السعودي

Answer 1

طريقة عمل القوزي السعودي

المكونات

• دجاجة بجلدها مقطعة ارباع مغسوله ومنقوعة في ماء وخل
• 3 أكواب رز مغسول ومنقوع

للكشنة

• حبتين بصل مقطع صغير
• بهارات مطحونة ملعقة صغيرة من:
• بهار مشكل
• كركم
• بابريكا
• قرفة
• فلفل اسود
• فنجان قهوة زيت
• بهارات صحيحة لسلق الدجاج:
• قرفة
• هيل
• قرنفل
• ورق غار
• للتزيين
• بيض مسلوق (حسب الرغبه
• بصل مقلي
• مكرونة مسلوقة
• شرايح بصل وليمون وفلفل رومي
• وممكن زبيب مقلي كمان

الخطوات

1. في قدر على النارنحط شوي زيت ونضيف بهارات صحيحه ونحركهم اول ما تطلع الريحه نضيف مكعب الماجي ومويه مغليه والملح ونضيف الدجاج نخليه نص ساعة تقريبا يستوي
2. في طاوة نسخن زيت تقريبا فنجان قهوة ونضيف البصل ونقلب حتى يتحمر البصل نضيف البهارات المطحونه ونحرهم مع بعض ونصفي البصل من الزيت نحطه على جنب وبنفس الطاوة نضيف المعكرونه المسلوقه ونقلبها شوي تاخذ ريحة ولون ونخرجها في صحن على جنب بعدين نقلب البيض المسلوق كمان ياخذ لون ونخرجه
3. بعدما يستوي الدجاج نخرجه ونرش عليها بهارات ونحطه في نفس طاوة البصل اللي حمرناه ونخلي الدجاج يتحمر من الجهتين
4. ثم نضيف شوي زيت لو احتجنا (ياخذ ريحة ولون حلو ونطفي عليه ونخليه على جنب(او ممكن ندهنه بصفار زعفران وزيت ونخليه يتحمر في الفرن
5. ثم نضيف الرز في نفس القدر اللي سلقنا فيه الدجاج ونتأكد من الملح وكمية المرق تكون مناسبة لكمية الرز لو احتجنا نزيد ماء مغليه ونخليه يستوي
6. بعدما يستوي الرز نسوي الخطوة الأخيرة نرش بصل من الكشنه اللي سويناها اسفل القدر ونضيف نص كمية الرز
7. بعدين نرش عليه باقي كشنة البصل ونضيف باقي الرز نرص الدجاج فوقه والمعكرونه جنب الدجاج ونغطي القدر ونخليه كمان ١٠ دقائق ل ربع ساعة على نار هادية
8. في صحن التقديم نوزع الرز وعليه المعكرونة بعدين الدجاج ونرش عليه البصل المقلي ونزينه بالفلفل الرومي وشرايح البصل و الليمون والبيض المسلوق ونرش كمان بصل مقلي وزبيب وبالعاافيه (الزينه حسب الرغبه)

 يمكنك مشاهدة المزيد من المعلومات حول طريقة عمل القوزي السعودي